Ağayeva Nigar İkram qızı 1986-ci il aprel ayının 27-də Bakı şəhərində anadan olub. 2002-ci ildə 193 saylı orta məktəbi bitirdikdən sonra Bakı Dövlət Universitetinin Jurnalistika fakültəsinə qəbul olunub. Həmin fakültəni 2006-cı ildə fərqlənmə diplomu ilə bakalavr, 2009-cu ildə fərqlənmə diplomu ilə magistr pillələrini bitirib. 2003-2004-cü illərdə “Эхо” qəzetində, 2004-ci ildə “Lider” teleradio şirkətində müqavilə əsasında fəaliyyət göstərmişdir.
2011-ci ildən BDU-nun Jurnalistika fakültəsinin “Jurnalistika” Elmi-tədqiqat laboratoriyasının elmi işçisidir. 2012-ci ildən həmin fakültənin Mətbuat tarixi və ideoloji iş metodları kafedrasının dissertantıdır. Hazırda “Azərbaycan Xalq Cümhuriyyət dövründə rusdilli mətbuat (1918-1920-ci illər)” mövzusunda tədqiqat işi aparır.
2008-ci ilin may ayında Bakıda “Azərbaycan Xalq Cümhuriyyəti dövründə milli jurnalistika: tarix, ənənə, müasirlik”, 2011-ci ilin noyabrında İssık-kulda “Elm və ali təhsilin aktual problemləri”, 2011-ci ilin noyabrında Rusiyada “Qloballaşma şəraitində humanitar elmlərin problem və perspektivləri”, 2012-ci ilin may ayında Bakıda “Jurnalistikanın nəzəri konsepsiyaları və mətbuat təcrübəsi” mövzusunda elmi konfanslarda iştirak edib.
Azərbaycan Respublikası Prezidenti yanında Ali Attestasiya Komissiyasının qeydiyyatından keçmiş müxtəlif elmi jurnallarda 16 elmi məqaləsi çap olunub. 2013-cü ildən Bakı Dövlət Universitetin Gənc Alimlər Şurasının üzvüdür. 2014-cü ildə 8 mart Beynəlxalq qadınlar günü münasibətilə BDU-nun əmək fəaliyyəti ilə fərqlənən işçisi kimi Rektorluq adından təşəkkür elan edilib.
Ailəlidir, 2 övladı var.
Комментариев нет:
Отправить комментарий